Vir Dominique - van Mamma xxxx

Mamma is amper 36 weke swanger met jou. Sjoe hoe vinnig het die tyd nie verby gegaan nie. Dit voel net soos gister toe Mamma vermoed het, dat Liewe Jesus dalk vir ons nog 'n babetjie sou gee.

Dominique, alles was so onverwags gewees. So vinnig en vreemd gewees. Nooit sou ons kon dink dat ons nog 'n babetjie sou by kry nie. Maar - Liewe Jesus het anders besluit. Dit was baie moeilik met tye gewees. Mamma en Pappa was baie bekommerd gewees (sug - jammer). Hoe gaan ons cope? Daar is alreeds 3 Boeties by die huis...... Gaan die huis te klein wees? Daar was al baie vrae, baie traantjies, baie bekommernisse. Maar nooit ooit het ons getwyfel dat ons jou NIE gaan liefhe nie. Nooit!!! Die Here het jou vir ons gegee vir 'n rede. Dit maak nie saak wat die rede is nie. Jy is ons s'n. En jy is PERFEK!!!!!!

Mamma het baie min met jou gesels. Mamma het baie min notisie geneem van jou skoppe van al jou bewegings. Mamma het jou soms baie kwalik geneem as ek moeg was en nie lekker gevoel het nie, as dingetjies net te dol gegaan het. Mamma is jammer...... Dit was nooit jou skuld gewees nie. Mamma voel baie sleg. Mamma het die laaste 8 maande nie mooi na jou of haarself gekyk nie. Mamma is so jammer, maar belowe om op te maak daarvoor.

Ons het nog net 3 weke oor, dan is jy hier. 3 Weke wat ons nog so baie moet doen. Maar - ons is baie opgewonde en kan nie meer wag om jou te sien nie. Ons Engel, wonderwerk babetjie. Ons lief jou baie en sien jou oor 3 weke. Rus lekker in Mamma se magie, want by die huis is daar drie woelige Boeties: Quintin, Reinhardt en Zander. Hulle is baie besig maar baie cute, jy sal sommer dadelik baie lief wees vir hulle!

Mooi bly en ons sien jou binnekort.

Natbek soentjies: Mamma xxxxx

TANTRUM 101

ALERT!!!!!!
WARNING, WARNING!!!!
TANTRUM IN PROGRESS.......................

My sonstraal, alias Funny Bunny seuntjie Reinhardt het in 'n Monster verander. 'n Tantrum Monster. En..... ek is bekommerd - regtig BEKOMMERD. Sommer net so, oor nag. Whola!!!!!

What to do???????

Hy skree/huil 24/7. Sodra hy sy sin kry, is hy die ou Reinhardt van self. Ek ken hom nie so nie. Dit is nie meer 'n plesier om naby hom te wees nie, jammer om dit te se, maar ek raak bang vir hom. Ek is so bang dat Q en Z sien wat hy doen en dit ook probeer. Kan jy die gaos voorstel? Ek byt letterlik op my tande om nie my humeur te verloor met hom nie, maar tipies Arnell kry dit nie altyd reg nie, en dit maak Kobus mal. Hy kan nie cope met nog 'n persoon se tantrums nie..

Wat moet ons doen?? HELP!!!!!!!! DR. PHIL, OPRAH!!!!!!!!!!!!!! HELP!!!!!!!!!!!!!!!!

My naam is Arnell Botha en ek het 'n drieling!

SO WHAT????????????????????
Ons het 'n drieling. Wat is so spesiaal daaraan? Wat is so vreemd daaraan? Wat is so snaaks daaraan?
Orals waar ons gaan staar almal ons aan. Los ons net uit - ASB!!!!!!! Ons is 'n normale gesin met drie verskillende seuntjies. Hoekom staar julle ons aan? Hoekom al die vrae altyd? En om nie eers van al die opmerkings te praat nie. Julle ken nie ons omstandighede nie, so asb SHIT UP!

Deur julle, wil ek nie meer iewers gaan nie. Ek is moeg vir die aanstaar en opmerkings. Ek is moeg vrae beantwoord. Get the point - Ek is moeg.

Asb, los ons net uit! Laat ons net in vrede iewers gaan. Asb, Asb, Asb!!!!!!!!!!!

Tristan, Richard Harris....

Baie welkom in hierdie wereld.
Vandag is jy gebore. 'n Stewige bulletjie van 3.07 Kg en 49 cm lank.
Jou Mamma en Pappa het so lank vir jou gewag, so lank vir jou gebid. En vandag het Liewe Jesus dit goed gedink om jou lewe te gee.

Tristan, mag jy vir altyd baie gelukkig wees. Ek weet dat jou Mamma en Pappa baie mooi na jou sal kyk en jou altyd net die beste sal gee. Mag jy altyd in Liewe Jesus se armpies wees. Jy is pragtig! En ons is sommer dadelik baie lief vir jou!

Baie Liefde: Tannie Arnell xxxx

2010 - Ek is reg vir jou!!!!

Dag 12 van 2010.
Uiteindelik het ek tyd om my nuwe jaarsvoorneme bekend te maak. Gewoonlik is my nuwe jaarsvoorneme om nie voorneme te he nie. Maar - hierdie jaar gaan ek dit 'n bietjie anders doen.

Hiermee dus my lysie vir 2010:

* Weeg teen Mei 2010 50 Kg.
* Doen elke dag oefening en kyk of ek Desember 2010 10 Km gemaklik kan draf.
* Maak meer tyd vir myself (sluit in: Lees meer, gaan meer Spa's toe, gaan lunch meer met vriendinne ens).
* Wees 'n beter Mamma (meer geduldig).
* Wees 'n beter eggenoot vir Kobus (maak meer tyd vir hom).
* Gaan vir Laser A.S.A.P. en raak vir eens en altyd ontslae van al my rekmerke.
* Sonbed!!!!!!!!!!!!!!!!!
* Gooi al my klere uit en begin 'n nuwe, meer "funckier" klerekas.
* Eet en leef meer gesonder (drink aansienliker minder Coke).




2010 - Hierdie jaar gaan ek 'n bietjie aan myself dink. Myself "regruk". Bietjie selfsugtig wees. Who Ho!!!!!!!!!!!!!!!!!!!! Ek is myself dit verskuldig. So NEE ek voel nie skuldig nie.

2010 - Bring it on :-)

Hello 2010 !!!!!

Hello 2010....
Good Baai 2009. Thank goodness!!!!!!!!!!!
Aan al my maatjies, mag 2010 net mooi inhou vir julle. Mag al julle drome en ideale waar word in 2010. Lief julle almal. Mwah. xxxxx